Бишкекте "Башат" – салттуу өнөрдүн түрлөрү боюнча заманбап көргөзмө башталат

Бүгүн, 20-мартта “Супара” этнокомплексинде “Башат” – салттуу өнөрдүн түрлөрү боюнча заманбап көргөзмө башталат. Бул тууралуу SUPER.KG`ге көрмөзмөнүн уюштуруучусу дизайнер Миррахим Опош билдирди.

“Программанын максаты – заманбап чыгармачылык аркылуу маданий мурастарды жана салттуу билимдерди жандандыруу жана жайылтуу. Анда ар кайсы искусство тармагында чыгармачылык менен алектенген 10дон ашык кыргыз жаш таланттарынын эмгектери-иштери коюлуп, алардын соңку алты айдын ичинде иштелип чыккан фото, видео, кино тасма, анимация, кол өнөрчүлүк, арт инсталяция, дизайнерлик жана башка эмгектери тартууланат”, - деп билдирди дизайнер.