Венада кыргыз даректүү тасмаларынын “Adamdar” аталышындагы фестиваль өтөт

Венада кыргыз даректүү тасмаларынын “Adamdar” фестивалы өтөт. Бул тууралуу kyrgyzcinema.com сайты аркылуу белгилүү болду.

Маалыматка ылайык, “Adamdar” фестивалы Австриянын борбору Вена шаарында 31-марттан 1-апрелге чейин болот. Программада Кыргызстандын кинематографтары тарабынан тартылган алты кыска даректүү тасма көрсөтүлөт.

Бул тасмаларда адамдардын окуялары, алардын күнүмдүк турмушу, оор жумушу жана айланасындагы саясий атмосфера чагылдырылган.

Фестивалда бир күндө үч тасма англис тилинде субтитр менен көрсөтүлөт.