4 миң даана жоогазын бар. Жалал-Абад шаарына быйыл 300 миң даана гүл отургузулат

Быйыл Жалал-Абад шаарына 8 түрдөгү 300 миң даана гүл отургузулат. Алардын арасында эрте жазда эгиле турган 4 миң даана жоогазын да бар. Бул тууралуу муниципалитет берген маалыматта айтылат.

Кабарлангандай, марттын аягында жоогазындарды аянттарга отургузуу иши башталат.

"Ал эми калган гүлдөрдүн көчөттөрүн күнөсканадан атайын идиштерге көчүрүү иши жүрүп жатат. Алар аба ырайы турукташкан мезгилде шаар көчөлөрүнө, эс алуу бактарына, аянттарга жана мекеме-ишканалардын алдыларына отургузулат" деп билдирди мэриядан.

Белгилей кетсек, Жалал-Абад шаарында жергиликтүү бюджеттен жалпы 4475 даана дарактардын көчөтү тигилип, 8 миң чарчы метр аянтка жашыл майсаң (газон) себилет.