Түркия менен аскердик-техникалык чөйрөдөгү кызматташтык маселеси талкууланды

Кыргызстандын Түркиядагы элчиси Руслан Казакбаев Түркия президентинин алдындагы Коргоо өнөр жай агенттигинин президенти Исмаил Демир менен жолугушту. Бул тууралуу ал социалдык тармактагы баракчасына жазды.

Анын айтымында, аталган агенттик Түркиянын бардык коргонуу өнөр жайын башкарат.

"Исмаил Демир менен мамлекеттерибиздин ортосундагы аскердик-техникалык чөйрөдө, анын ичинде терроризм, экстремизм жана баңгизаттарды мыйзамсыз жүгүртүүгө каршы күрөшүү сыяктуу заманбап чакырыктар менен коркунучтардын алкагында эки тараптуу жана көп тараптуу кызматташуу маселелерин кеңири талкууладык", - деди Казакбаев.