Быйыл 1-кварталда 54,5 миллиард сом салык жана камсыздандыруу төгүмдөрү чогултулду

Мамлекеттик салык кызматы 2023-жылдын январь-март айларында 54 миллиард миллиард 589,3 миллион сом салык жана камсыздандыруу төгүмдөрүн чогултту. Бул тууралуу аталган мекемеден билдиришти.

Маалыматка ылайык, белгиленген план 1,3 миллиард сомго ашыгы менен аткарылды. 2022-жылдын ушул мезгилине салыштырмалуу 8 миллиард сомго көп жыйналды.

Анын ичинде 40 миллиард 40 миллион сом салык жана төлөмдөр жыйналып, план 499 миллион сомго ашыгы менен аткарылды. 2022-жылдын 3 айына салыштырмалуу 3,7 миллиард сомго көп чогултулду.

Камсыздандыруу төгүмдөрү боюнча чогултулган сумма 14 миллиард 549,9 миллион сомду түзүп, план 849,3 миллион сомго ашыгы менен аткарылды. Бул 2022-жылдын көрсөткүчүнө салыштырмалуу 4,3 миллиард сомго көп.