Бишкектеги Эски аэропорттун аймагына эс алуу аянтчасы курулат (эскиздер)

Бишкек шаарында Айтматов кең көчөсү менен Ажибек Баатыр көчөсүнүн кесилишинде эс алуу аянтчасы курулат. Маалыматты мэриядан кабарлап, эскиздери менен бөлүштү.

"Бишкекбашкыархитектура" мамлекеттик мекемесинин долбооруна ылайык, аянтка асфальт жана брусчатка төшөлүп, кичинекей фонтан, түнкү жарык, отургучтар жана балдар аянтчасы орнотулуп, бир нече дарактын түрү отургузулат.

"Эс алуу аянтчада чоңдордун жана балдардын ыңгайлуу эс алуусу үчүн керектүү нерселер баары болот" дешти мекемеден.