Кыргызстандыктар Словакиянын жогорку окуу жайларына окуу үчүн стипендия ала алышат

Кыргызстандыктар Словакиянын жогорку окуу жайларында окуу үчүн стипендия ала алышат. Бул тууралуу Билим берүү жана илим министрлигинин маалымат кызматы билдирет.

Маалыматка ылайык, Словакиянын ЖОЖдорунда же илимий-изилдөө уюмдарында окуу, стажировка үчүн Словакиянын Улуттук стипендиялык программасына катталуу башталган.

"Студенттер, аспиранттар, окутуучулар, илимий кызматкерлер же искусство тармагындагы кызматкерлер стипендия алуу үчүн өтүнмө тапшыра алышат", - деп жазылат маалыматта.

Стипендияга талапкерлер онлайн арызды жана бардык талап кылынган тиркемелерди словак же англис тилинде толтурушат.

Толугураак маалыматты https://www.stipendia.sk/sk/ сайтынан алууга болот.