"Ала-Тоо" аянтындагы өлкөнүн негизги балатысынын жарыктары 16-декабрда жанат

Учурда "Ала-Тоо" аянтына орнотулуп жаткан өлкөнүн негизги балатысынын жарыктары 16-декабрда жанат. Бул тууралуу бүгүн, 11-декабрда Бишкек шаарынын вице-мэри Айгүл Усубакунова маалымат жыйынында билдирди.

Ал өз сөзүндө балатынын бийиктиги 20 метр экендигин жана учурда “Тазалык” муниципалдык ишканасы тарабынан орнотуу иштер жүрүп жатканын кабарлады.

“16-декабрда 19:00дө расмий түрдө балатынын жарыктарын жандырабыз. Иш-чара концерттик программа менен коштолот. Бул балатыдан сырткары шаар боюнча дагы 13 балаты орнотулат”,- деп кошумчалады вице-мэр.