Ала-Букада чек арадан мыйзамсыз мал алып өтүү аракетине бөгөт коюлду

Жалал-Абад облусунун Ала-Бука районундагы чек арада мыйзамсыз мал алып өтүү аракетине бөгөт коюлду. Бул тууралуу УКМКнын Чек ара кызматынан кабарлашат.

Маалым болгондой, бүгүн, 5-майда Аксы районунун Сары-Булак тилкесинен 22 баш буканы Кыргызстандан Өзбекстанга мыйзамсыз айдап бара жаткан Сөгөт айылынын тургуну 1990-жылы туулган Б.А. кармалган.

Алдын ала маалыматтар боюнча, кармалган малдын баасы 1 миллион 500 миң сомдон ашкан. Тиешелүү документтер толтурулгандан кийин жаран жана бодо мал кошумча иликтөө үчүн компетенттүү органдардын кызматкерлерине өткөрүлүп берилет.