Баткенде өрүк бышты. Өрүк талаасынан фоторепортаж

Баткендин Кадамжай районуна караштуу Кайтпас айылында өрүктүн эрте бышуучу сорту толугу менен бышты. Жергиликтүү дыйкандар түшүмдү жыйнап, сатыкка чыгарууда.

Белгилүү болгондой, учурда элеттиктер 1 килограмм өрүктү 80-100 сомдун тегерегинде сатышууда. Багбандар бул жылы өрүктүн түшүмдүүлүгү жакшы экенин айтышат.

Баткен облусунда жалпы 8 миң гектар өрүк бактары бар. Андан жыл сайын 100 миң тонна өрүк жыйналып алынат. Анын 20 пайызы гана жергиликтүү кайра иштетүүчү ишканаларда кайра иштетилсе, 80 пайызы чет мамлекеттерге экспорттолот.