Ош облусунда бир чакан ГЭС ишке киргизилип, экинчисине капсула салынды

Президенттин Ош облусундагы өкүлү Элчибек Жантаев Ноокат районунда курулушу аяктаган чакан ГЭСти ишке киргизүү иштери менен таанышты. Бул тууралуу өкүлчүлүктөн билдиришти.

Маалыматка ылайык, облус башчысы сапарынын алкагында жакында жеке ишкерлер тарабынан курула турган кичи ГЭСтин курулушуна капсула салуу аземине да катышты.

"Элчибек Жантаев инвесторлорго ыраазычылык билдирип, мындан аркы ийгиликтүү кызматташууну жана келечекте ушул сыяктуу долбоорлорду ишке ашыруу үчүн ар тараптуу колдоо көрсөтөрүн билдирди", - деп айтылат маалыматта.