31-майга карата аба ырайы 

31-майга караган түнү өлкө аймагында жаан-чачын күтүлбөйт. Бул тууралуу Кыргызгидрометтин маалыматында айтылат.

Ага ылайык, күндүз Ысык-Көл, Нарын облустарынын айрым жерлеринде, Ош, Жалал-Абад, Баткен облустарынын тоо этектеринде жана тоолуу райондорунда, Чүй, Талас облустарынын тоолуу райондорунда өткүн өтүп, күн күркүрөшү, бийик тоолуу райондорунда кар жаашы мүмкүн.

Батыштан соккон шамалдын ылдамдыгы секундасына 4-9 метрге жетет.

Абанын температурасы:

Чүй өрөөнүндө түнкүсүн +10…+15, күндүз +26…+31,

Талас жергесинде түнкүсүн +8…+13, күндүз +26…+31,

Ош, Жалал-Абад, Баткен облустарында түнкүсүн +15…+20, күндүз +29…+34,

Ысык-Көлдө түнкүсүн +6…+11, күндүз +22…+27,

Нарын жергесинде түнкүсүн +4…+9, күндүз +21…+26.

Бишкекте түнкүсүн +12…+14, күндүз +28…+30 градус болот.