Нью-Йорк асман тиреген имараттардан улам сууга чөгүп бара жатат

АКШнын Геологиялык кызматы Нью-Йорк шаары акырындап сууга чөгүп баратканын аныктады. Бул тууралуу чет элдик басылмалар жазышты.

Маалыматка ылайык, шаардын акырындап сууга чөгүшүнүн бир нече себеби бар, анын ичинде глобалдык жылуулук жана дүйнөдөгү эң ири асман тиреген имараттардын курулушу. Шаардын суу астында калып бара жаткан ылдамдыгы дээрлик байкалбайт - бул жылына эки миллиметрге жакын. Бирок бул Нью-Йоркто башка жээк шаарларына караганда тезирээк болот.

Акыркы 70 жылдын ичинде шаар болжол менен 20 сантиметрге сууга чөккөн. Ошол эле учурда бир катар аймактар ​​тезирээк чөгүп баратат.

Эксперттер шаар бийлигин буга тезирээк чара көрүүгө чакырды.