Мектеп бүтүрүүчүлөрүнө аттестаттар качан тапшырыла турганы белгилүү болду

Мектеп бүтүрүүчүлөрүнө аттестаттар качан тапшырыла турганы белгилүү болду. Бул тууралуу Билим берүү жана илим министрлигинен кабарлашты.

Маалым болгондой, Билим берүү жана илим министрлигинин жалпы билим берүү уюмдарынын бүтүрүүчүлөрүнө мамлекеттик үлгүдөгү билими жөнүндө документтерди тапшырууга арналган салтанаттуу иш-чараларды өткөрүү жөнүндө буйругу чыккан. Анда:

- 21-июнда саат 9:00дө – 9-класстын бүтүрүүчүлөрүнө негизги жалпы билим жөнүндө күбөлүктөр;

- 23-июнда саат 9:00дө – 11-класстын бүтүрүүчүлөрүнө орто жалпы билим берүү жөнүндө аттестаттар тапшырылат.

Салтанаттуу иш-чаралар билим берүү органдарынын, жергиликтүү өз алдынча башкаруу органдарынын өкүлдөрүнүн жана ата-энелердин катышуусунда өткөрүлмөкчү.