Элчи Ду Девень ИИМ башчысы Ниязбековду Кытайга чакырды

Кытайдын Кыргызстандагы элчиси Ду Дэвэнь айым ИИМ башчысчы Улан Ниязбековго глобалдык коомдук коопсуздук маселелери боюнча эл аралык форумга катышууга чакыруу кагазын тапшырды. Бул тууралуу ИИМдин басма сз кызматынан билдиришти.

Билдирг ылайык, бүгүн, 19-июнь күнү Ички иштер министри милициянын генерал-лейтенанты Улан Ниязбеков менен Кытайдын Кыпгызстандагы элчиси Ду Дэвэндин жолугушуусу болуп өттү.

Ички иштер министри Улан Ниязбеков Ду Дэвэнь айымга иш сапары үчүн ыраазычылык билдирип, Кытай элчилигине министрликтин жөндөмдүүлүгүн көтөрүүгө, жарандардын коопсуздугун камсыздоого, кылмыштуулукка каршы күрөшүүгө багытталган аракеттерине кошкон салымы үчүн ыраазычылык айтып, бул өз кезегинде калктын милицияга карата коопсуздукту камсыздоо жана ишеним сезимин калыптандырууга өбөлгө түзөөрүн билдирди.

"Жолугушуунун жүрүшүндө Ду Дэвэнь Кытайдын Коомдук коопсуздук министринин атынан Улан Ниязбековго 2023-жылдын 19-сентябрынан 21-сентябрына чейин Кытайдын Цзянсу провинциясынын Ляньюньган шаарында өтө турган глобалдык коомдук коопсуздук маселелери боюнча эл аралык форумга катышууга чакыруу кагазын тапшырды", - деп билдиришти ИИМден.

Өз кезегинде Улан Ниязбеков элчи айымга чакыруу кагазын тапшыргандыгы үчүн ыраазычылыгын билдирди.
Жолугушуу жылуу, достук маанайда, өз ара түшүнүшүү рухунда жана конструктивдүү маанайда өттү.