Караколдо Садыр акенин 200, Кыдыр акенин 180 жылдык мааракелери белгиленет

Каракол шаарында республикалык деңгээлде Жолболду уулу Садыр акенин 200, Байсары уулу Кыдыр акенин 180 жылдык мааракелери белгиленет. Бул тууралуу президенттин облустагы өкүлчүлүгүнөн билдиришти.

Маалым болгондой, иш-чара ушул жылдын 1-июлунда өтөт. Ал эми мааракенин алкагында "Улут баскан улуу жол" аттуу этно-фестиваль уюштурулат.

Этно фестивалдын күндүзгү бөлүгү 10:00дө башталып, төмөндөгүдөй иш-чаралар менен коштолот:

- Эл аралык "Казак-Кыргыз" айтышы;

- Акелерге арналган илимий-практикалык конференция;

- Ысык-Көл боз үй мекени" макамын алгандыгына байланыштуу "Хан боз үйлөр жана каада салт" сынагы;

- "Кол өнөрчүлөрдүн жана шырдак дүйнөсү", "Этно мода";

- "Салттуу музыка";

- "Элдик көчө театры";

- "Так Теке";

-"Шайыр апалар" сынактары өтүп, салбуруун көргөзмөсү менен коштолот. Ошондой эле саат 20:00дө кыргыз эстрада жылдыздарынын коштоосунда гала-концерт уюштурулат.