Кыргызстанда кечкисин өспүрүмдөргө көзөмөл күчөтүлөт

Кыргызстанда кечкисин өспүрүмдөргө көзөмөл күчөтүлөт. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Белгилүү болгондой, мындай чара 21-23-июнь аралыгында өлкө аймагында мектеп бүтүрүүчүлөрүнө мектепти аяктагандыгы тууралуу күбөлүктөрдү жана аттестаттарды тапшыруу аземине байланыштуу көрүлүүдө.

Муну менен катар бүтүрүүчүлөр окууну бүткөндүктөрүн майрамдашып, жаратылыш эс алуучу жайларга, кечкисин кафе-ресторандарга жана түнкү клубдарга баруусу менен коомдук коопсуздукка каршы иштерди жасоо коркунучу бар.

Мындай терс көрүнүштөргө жол бербөө максатында, тиешелүү кызматкерлер бул күндөрү күчөтүлгөн тартипте кызмат өтөө менен унааларга болгон көзөмөлдү күчөтөт. Айрыкча кечкисин өспүрүмдөр жүргөн унаалардын баарын текшерилип, профилактикалык иш-чаралар жүргүзүлөт.