ИИМ: "Ысык-Көлдө эс алуучулардын коопсуздугу көзөмөлдө"

Ички иштер министрлигинин атайын багыттагы полкунун кызматкерлери Ысык-Көлдө эс алуучулардын коопсуздугун камсыздоодо. Бул тууралуу аталган министрликтин маалымат кызматы кабарлайт.

"Атайын багыттагы полкунун кызматкерлери Чолпон-Ата шаарында жана Бостери айылында кылмыштуулуктун жана тартип бузуулардын алдын алуу, ошондой эс алууга келген меймандардын коопсуздугун камсыздоо менен кайгуулдоо иштерин жүргүзүшүүдө", - деп айтылат маалыматта.

Ошол эле учурда кызматка чыгып жаткан кызматкерлерге мыйзамдуулукту бекем сактоо, жарандарга сылык, маданияттуу мамиле кылуу жана кесиптик этиканын нормаларын сактоо боюнча нускамалар ѳткѳрүлүп жатат.