Эскертүү! Бишкекте жана Чүйдө катуу шамал болот

Бүгүн, 3-июлда жакынкы бир саат аралыгында жана күндүз Бишкек шаарында жана Чүй облусунда катуу шамал болушу күтүлөт. Бул тууралуу Өзгөчө кырдаалдар министрлиги билдирет.

Батыштан соккон шамалдын ылдамдыгы секундасына 15-20 метрге жетиши мүмкүн экени айтылды.

Өзгөчө кырдаалдар министрлиги эскертет!

Катуу шамал учурунда:

• Унааңызды имарат жана бак-дарактын түбүнө токтотпоңуз;
• Электр чубалгылары турган жерге барбаңыз;
• Көз айнек кийиңиз.

Кырсык катталган учурда 112 номерине байланышыңыз.