Кавер аткарып таанылган Тынысхан менен Элен уулдуу болушту

Кавер аткаруучу жубайлар Тынысхан менен Элен уулдуу болушту. Кубанычы менен ырчы айым социалдык тармактагы баракчасында бөлүштү.

"Сүйүнчү, алтындарым. Тынысхан экөөбүз ата-эне болдук. Кудайыма шүгүр, бизде баары жакшы. Куттуктоолорго рахмат"- деп жазган Элен.

Белгилей кетсек, буга чейин ырчы түгөйлөр "гендер пати" уюштурушуп, уулдуу болорун жарыялаган.

Эске салсак, Тынысхын менен Элен 2020-жылы 12-ноябрда үйлөнгөн. Жылдыздуу түгөйлөр кыргыз эстрадасындагы көптөгөн белгилүү ырчылардын чыгармаларын кавер аткарышкан. Алар; "Кимге таштап баратасың?", "Сүйүүнүн керемети", "Махабатым", "Ошондо жакшы болобу?", "Сенсиз жаным", "Эзилип бүтүү" жана башка чыгармалар.