Төрөт учурунда жерге түшүп кеткен ымыркай үйүнө чыгарылды

Бишкектеги №1 төрөт үйүндө төрөт учурунда жерге түшүп кеткен ымыркай жана анын энеси үйүнө чыгарылды. Бул тууралуу бүгүн, 19-июлда SUPER.KG порталына Саламаттыкты сактоо министрлигинин башкы гинекологу Раиса Асылбашева билдирди.

"Ымыркайдын абалы канааттандырарлык, толук кароодон өттү. Эне, бала ооруканадан чыкты. Бирок ымыркай дарыгерлердин көзөмөлүндө болот", - деди ал.

Эске салсак, социалдык тармактарда төрөт учурунда баласы полго түшүп кеткен келиндин билдирүүсү тараган. Ал төрөтү башталганын дарыгерлерге эскертип, бирок убагында жардам көрсөтүлбөгөнүн билдирген. Саламаттыкты сактоо министрлиги окуяга байланыштуу беш медицина кызматкерине сөгүш берилгенин маалымдаган.