"Колледждерге кабыл алуу". Биринчи турда канча арыз катталганы айтылды

Орто кесиптик окуу жайларга тандоонун биринчи турунда 30 миң 531 абитуриент катталган. Бул тууралуу Билим берүү жана илим министрлигинен билдиришти.

Маалыматка ылайык, эң көп арыз Бишкек медициналык колледжине (1 миң 597), ОшМПУнун колледжи (1миң 198), ОшМУнун индустриалдык-педагогикалык колледжи (1 миң 49).

"Орто кесиптик билим берүү уюмдарына тандоо « Абитуриент Online» автоматташтырылган маалымат системасы аркылуу жүргүзүлөт", - деп айтылат маалыматта.

Белгилей кетсек, тандоонун экинчи туру 28-июлдан 7-августка чейин, үчүнчүсү 14-августтан 24-августка чейин өтөт.