Бишкектеги Элебесов көчөсү капиталдык оңдоого жабылды

Бишкектеги Элебесов көчөсү (Дордой базарына баруучу жол) бүгүн, 25-июлдан тарта капиталдык оңдоо иштерине байланыштуу толугу менен жабылды. Бул тууралуу калаа мэриясынан билдирди.

"Буга чейин эски асфальтты алуу иштери айланма жол тараптан башталса, эми унаалардын көп агымына карабай жолдун бул бөлүгүн жабууга убакыт келди. Аталган көчөнүн узундугу 1300 погон метрди, жүрүүчү бөлүгүнүн туурасы 6 метрди түзөт. Тротуар жана ирригациялык система менен жабдылат", - деп айтылат билдирүүдө.

"Бишкекасфальтсервис" муниципалдык ишканасы айдоочулардан унаа тыгындарын болтурбоо үчүн "Дордой" базарына жана "Келечек", "Ак-Бата" конуштарына башка жол менен каттоону өтүнөт.