27-июлга карата аба ырайы

27-июлга караган түнү Ысык-Көл облусунун тоолуу райондорунда өткүн өтөт, калган аймактарда жаан-чачын күтүлбөйт. Бул тууралуу Кыргызгидрометтин маалыматында айтылат.

Ага ылайык, күндүз Ысык-Көл, Нарын облустарынын көпчүлүк аймактарында, Ош, Жалал-Абад облустарынын тоо этектеринде жана тоолуу райондорунда, Чүй, Талас, Баткен облустарынын тоолуу райондорунда өткүн өтөт.

Батыштан соккон шамалдын ылдамдыгы секундасына 4-9 метрге дейре, күндүз айрым жерлерде 15-20 метрге чейин жетет.

Абанын температурасы:

Чүй өрөөнүндө түнкүсүн +20…+25, күндүз +33…+38,

Талас жергесинде түнкүсүн +14…+19, күндүз +31…+36,

Баткен, Ош, Жалал-Абад облустарында түнкүсүн +21…+26, күндүз +34…+39,

Ысык-Көлдө түнкүсүн +13…+18, күндүз +27…+32,

Нарын дубанында түнкүсүн +11…+16, күндүз +27…+32,

Бишкекте түнкүсүн +22…+26, күндүз +36…+38 градус болот.