"17 кой сатканы кеткен". Кара-Сууда мал базарга кеткен бойдон дайынсыз жоголгон жаран изделүүдө

Кара-Суу районунда мал сатканы базарга кеткен бойдон дайынсыз жоголгон жаран изделүүдө. Бул тууралуу бүгүн, 28-июлда Ош облустук ички иштер башкармалыгынан билдиришти.

Маалыматка ылайык, 1979-жылы туулган Жолдошов Элдарбек Искендербекович 23-июль күнү саат 05:00 чамасында Кара-Суу районундагы Больщевик айылында жайгашкан үйүнөн Учкун айылындагы мал базарга 17 баш кой сатканы кеткен боюнча дайынсыз жоголгонун айтып, анын карындашы Кара-Суу райондук ички иштер бөлүмүнө арыз менен кайрылган.

Элдарбек Жолдошовдун үстүндө кийген кийимдери: кара түстөгү спорттук шым, күрөң футболка, башында кара кепка, бутунда кара түстөгү берцы.

Өзгөчө белгилери: бою 170-172 сантиметр, кашы-көзү кара, чачы 2-3 сантиметр. Кара түстө көз айнек тагат.

Кара-Суу РИИБи изделип жаткан жаран оюнча кандайдыр бир маалымат болсо төмөнкү номерлерге билдирип коюуңуздарды өтүнөт.

Байланыш телефондор: 0553-54-10-10, 0557-54-00-30, 0502-42-21-75