ИИМ: "Көчөдө тапанча менен опузалаган адамга карата иликтөө башталды"

Кечээ, 5-августта социалдык тармактарда белгисиз адам Некрасов көчөсүндө коомдук тартипти жана жүрүм-турум нормаларын одоно бузуп, оозеки чырда бейтааныш адамды тапанчасы менен коркутуп жаткан видео тараган. Аталган факты каттоого алынып, иликтөө иштери башталган.

Жүргүзүлгөн ыкчам издөө иш-чараларында Т.К. аттуу 1989-жылы туулган жаран кармалган. Ал белгисиз маркадагы тапанчасын соттук-баллистикалык экспертиза дайындоо үчүн тапшырды.

Ал коркутту деген И.С аттуу адам дооматы жоктугун айтып, арыз жазуудан баш тартты.

Ички иштер министрлиги учурда тергөө уланып жатканын кабарлады.