Өзгөндө 18 жаштагы Муслимахон Хакимжанова 17 күндөн бери дайынсыз болууда

Ош облусунун Өзгөн районунда 18 жаштагы Муслимахон Хакимжанова 17 күндөн бери дайынсыз болуп, изделүүдө. Бул тууралуу Ош облустук ички иштер башкармалыгы кабарлады.

Маалыматка ылайык, 2-август күнү Өзгөн райондук ички иштер бөлүмүнө Өзгөн шаарынын 43 жаштагы К.Х. аттуу тургуну арыз менен кайрылган. Арызында ал 22-июль күнү кызы 2005-жылы туулган Хакимжанова Муслимахон Хсунбаевна үйүнөн чыгып кеткен бойдон дайынсыз болуп жаткандыгын билдирген.

Бул окуя боюнча топтолгон материалдар электрондук журналга катталып, издөө иштери башталган.

Кийген кийимдери: башында кызыл түстөгү жоолук, үстүндө кара түстөгү көйнөк, астында кызыл түстөгү шым, бутунда кара түстөгү жайкы бут кийим.

Өзгөчө белгилери: боюнун узундугу 160-165 сантиметр, дене түзүлүшү арык, кара-тору, кашы-көзү кара, чачы кара узундугу 40-45 сантимтер.

Эгерде кимдин дайынсыз жоголгон Муслимахон Хакимжанова тууралуу кандайдыр-бир маалыматы болсо төмөнкү телефондорго кабарласа болот:

тел.: 03233 5-06-36, 0550 334323, 0779 33 43 23, 0777 11 63 93, 0553 11 63 93