Баткенде сууга түшүп кеткен 1 жаштагы наристенин сөөгү табылды

Баткендин Кадамжай районунда сууга түшүп кеткен наристенин сөөгү табылды. Бул тууралуу бүгүн, 9-августта Өзгөчө кырдаалдар министрлигинен билдиришти.

Маалымдалгандай, бүгүн Кадамжай районунун Полот-Хан айыл өкмөтүнүн Абсамат айылында А.Масалиев атындагы орто мептептин жанындагы сайдагы сууга 2022-жылы туулган Б.Я. аттуу кичинекей кыз түшүп кеткендиги тууралуу маалымат 102 кызматынан түшкөн.

Ага ылайык, издөө иштерин жүргүзүүгө Кадамжай райондук №76 Өрткө каршы куткаруу бөлүгүнөн 4 , ӨКМнын Тоо кырсыгынан куткаруу кызматынан 4, жалпы 8 куткаруучу тартылды.

Куткаруучулар тарабынан наристенин сөөгү табылып, тез жардам кызматына өткөрүлүп берилди.