"Алтын-Балалыкка" жакын жердеги көлгө 14 жаштагы кыз чөгүп кетти

Мурдагы министр Алымкадыр Бейшеналиев жетектеген "Алтын-Балалык" эс алуу жайына жакын жердеги көлгө 14 жаштагы кыз чөгүп кетти. Бул тууралуу SUPER.KG порталына Ысык-Көл облустук ички иштер башкармалыгынан билдиришти.

Билдирүүгө ылайык, 5-августта Ысык-Көл облусунун ички иштер башкармалыгына "Тез жардам" станциясынан "Алтын-Балалыкка" жакын жердеги көлгө эки жашы жете элек бала чөгүп кеткени тууралуу маалымат түшкөн.

Окуя болгон жерге барган райондук милициянын тергөө-ыкчам тобу ошол күнү 14 жаштагы эки кыз сууга чөккөнүн аныкташкан. Алар Нарын облусунан келген. Дарыгерлер алардын биринин өмүрүн сактап калышты.

Тилекке каршы, сууга чөккөн экинчи кыз каза болду.