Акыйкатчы институту кадрлар резервине сынак жарыялады 

Акыйкатчы институту кадрлар резервине сынак жарыялады. Бул тууралуу бүгүн, 16-августта мекеменин маалымат кызматынан кабарлашты.

Маалымдалгандай, буга чейин кадрлар резервине 28 адам кабыл алынган.

"Алардын ичинен 16 адам мамлекеттик жарандык кызматтын башкы (8 кызматкер) жана кенже (8 кызматкер) административдик кызмат орундарына ишке киришти. Бүгүнкү күндө төрт орун бош болууда. Буга байланыштуу институт кайрадан сынак жарыялайт", - деп жазылат маалыматта.

Сынакка катышуунун шарттары жана толук маалымат шилтемеде.

Арыз берүүнүн мөөнөтү 24-августка чейин.

Конкурска катышуу үчүн зарыл болгон документтердин тизмегин төмөнкү дарекке алып келүү зарыл: Бишкек шаары, Тыныстанов көчөсү 120, № 207 кабинет.