Супер-Инфо
super.kg видео
ТЕСТ: "Кара дөө" каймана аты кайсы көк бөрүчүгө таандык? Көк бөрү спортунан билимиңизди сынап көрүңүз
Кыргызстанда 13-августтан 20-августка чейин Көк бөрү боюнча клубдар аралык дүйнө биринчилиги өттү. Аталган спорттун тарыхында алгачкы ирет өтүп жаткан ири спорттук иш-чара бүйүр кызыткан беттештер, укмуштуудай кооз салымдар, күтүлбөгөн окуялар менен коштолду. 10 күнгө созулган көк бөрү майрамы кечээ жыйынтыкталса да күйөрмандардын сүрөөнү, жеңиштин кубанычы азыркыга чейин токтобой келет.
Келиңиз анда, эгер өзүнүздү көк бөрүнүн чыныгы күйөрманымын деп эсептесеңиз көк бөрү спорту тууралуу түзүлгөн тестке катышып, күчүңүздү бир сынап көрүңүз!
кошулду
1
2
3
4
5
6
7
8
9
10
11
12
13
14
15
Кыргызстанда көк бөрү боюнча бир жылдын ичинде канча расмий мелдеш өтөт?
Кыргызстанда бир жылдын ичинде көк бөрү боюнча 4 расмий мелдеш өтөт. Алар: Нооруз турнири, Жеңиш кубогу, Президенттин кубогу жана Өлкө чемпиондугу (7 облус 2 шаар)
2
3
4
5
“Кара дөө” каймана аты менен таанымал көк бөрүчү ким?
"Кара дөө" каймана аты "Ынтымак" командасынын чабуулчусу Нуржан Мелисбек уулуна таандык.
Улан Насакеев
Кыяз Ниязов
Белек Мукаев
Нуржан Мелисбек уулу
Кайсы эки команданын ортосундагы беттеш “эль-класико” деп аталып жүрөт?
Кыргыз көк бөрүсүндө Талас облусунун "Ынтымак" командасы менен Ош облусунун "Достук" командасынын ортосундагы беттеш "эль-класико" деп аталып жүрөт.
“Сары-Өзөн” – “Ынтымак”
“Ынтымак” – “Достук”
“Сары-Өзөн” – “Достук”
“Ала-Тоо” – “Достук”
Быйылкы жылдагы 9-Май турниринде кайсы команда чемпион болду?
Быйылкы 9-майда Жалал-Абад облусунда өткөн турнирде "Достук" командасы жеңүүчү болгон. Алар финалда "Сары-Өзөндү" 9:3 эсебинде жеңип алган.
"Ынтымак"
"Достук"
"Сары-Өзөн"
"Мурас"
“Мурас” кайсы облустун командасы?
Жогорку лигада оюн көрсөткөн "Мурас" командасы Ысык-Көл облусунан чыккан команда
Чүй
Нарын
Жалал-Абад
Ысык-Көл
Быйылкы жылдагы Нооруз турниринде Аскар Салымбеков “Кыргыз көк бөрүсүндө Месси пайда болду” деп кайсы оюнчуну атаган?
Нооруз турниринде Аскар Салымбеков "Кыргыз көк бөрүсүндө Месси пайда болду. Ал Өмүрбек Эсен уулу" деп жар салган. "Ынтымак" командасынын оюнчусу Өмүрбек Эсен уулу андагы финалдык беттеште 2 салым салып, команданын жеңишине чоң жардам берген.
Калкаман Акбаржан уулу
Өмүрбек Эсен уулу
Эламан Нурболот уулу
Баяман Муралим уулу
Көк-Мончок аргымагынын үстүндөгү алмашкыс көк бөрүчүсү ким?
Көк-Мончок аргымагын "Достук" командасынын чабуулчусу Аскат Аскаров ойнотот. "Мен үчүн аргымактын ылдамдыгы маанилүү" деген Аскат Аскаров Көк-Мончок менен укмуштуудай кооз оюндарды тартуулап келет.
Сейитбек Анарбек уулу
Султан Русланов
Аскат Аскаров
Майрамбек Рыспек уулу
Белгилүү улакчы Рустам Тыналиев учурда кайсы аргымак менен оюн көрсөтүп жатат?
"Сары-Өзөн" клубунун чабуулчусу Рустам Тыналиев учурда Мельбург аттуу аргымак менен оюн көрсөтүүдө.
Мельбург
Франкель
83
Дубайсан
2016-жылдагы Көчмөндөр оюндарынын финалындагы Кыргызстан-Казакстан беттешинде улуттук курама үчүн алгачкы салымды кайсы көк бөрүчү салган?
2016-жылы өткөн II Дүйнөлүк көчмөндөр оюндарынын финалындагы Кыргызстан-Казакстан беттешинде алгачкы салымды кыргыз улакчысы Манас Ниязов салган.
Манас Ниязов
Рустам Тыналиев
Азат Насыпбеков
Сейитбек Анарбек уулу
БТР аргымагы менен таанылган легендарлуу улакчы Урмат Мусаев кайсы командада атагы жанган?
БТР аргымагы менен белгилүү болгон Урмат Мусаев Ысык-Көл облусунун "Кабылан" командасында ойноп жүргөн убакта атагы чыккан.
“Кожомкул”
“Суусамыр”
“Бөрүлү”
“Кабылан”
Манас Ниязов төмөнкү аргымактардын ичинен кайсынысын оюндарга минип чыккан эмес?
"Достук" командасынын чабуулчусу Маназ Ниязов карьерасында Мурдаш аттуу аргымакты оюндарга минип чыккан эмес.
Бойка
Кулунду
Шторм
Мурдаш
2016-жылдагы II Дүйнөлүк көчмөндөр оюндарынын финалында Кыргызстан Казакстанды кандай эсеп айрмачылыгы менен жеңип алган?
2016-жылдагы II Дүйнөлүк көчмөндөр оюндарынын финалында Кыргызстан Казакстанды 15:3 эсебинде жеңип алган.
Кыргызстан 19-5 Казакстан
Кыргызстан 16-1 Казакстан
Кыргызстан 15-3 Казакстан
Кыргызстан 18-5 Казакстан
Чолпон-Атада өткөн көк бөрү боюнча клубдар аралык дүйнө чемпиондугунда Биринчи лиганын мыкты оюнчусу ким болду?
Чолпон-Атада өткөн көк бөрү боюнча клубдар аралык дүйнө чемпиондугунда Биринчи лиганын мыкты оюнчусу деп "Жаштык" командасынын чабуулчусу Арген Абдылдаев аталды.
Эшмурат Эшмуратов
Арген Абдылдаев
Фархат Супатаев
Канжарбек Тойчубеков
Көк бөрү боюнча клубдар аралык дүйнө биринчилигинде Жогорку лигада мыкты деп табылган аргымак?
Көк бөрү боюнча клубдар аралык дүйнө биринчилигинде Жогорку лиганын мыкты аргымагы деп казакстандык "Астана" командасынын оюнчусу Матжан Меиржан ойноткон Хангок аргымагы аталды.
Кусмурун
Аватар
Герб
Хангок
Көк бөрү федерациясынын президенти ким?
Көк бөрү федерациясынын президенти Бегалиев Талас Кубанычбекович
Курманкул Зулушев
Рамис Жунушалиев
Аскар Салымбеков
Талас Бегалиев
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
0