Токаев казак өкмөтүнө чек арадагы кырдаалды жөнгө салууну тапшырды

Казакстандын өлкө башчысы Касым-Жомарт Токаев өкмөтүнө казак-кыргыз чек арасында түзүлгөн кырдаалды өлкөлөр ортосундагы өнөктөштүк жана бир туугандык мамиледе жөнгө салууну тапшырды. Бул тууралуу бүгүн, 26-августта Казакстандын басылмалары жазып чыгышты.

Маалымдалгандай, Токаев чек арадан мыйзамсыз жүк ташууну болтурбоо үчүн кыргыз тарап менен санариптештирүү жана автоматташтыруу боюнча сүйлөшүүлөрдү улантуу зарылдыгын белгиледи.

Мындан тышкары маалыматта Казакстан чек арадагы өткөрүү пункттары дайыма кадимкидей иштеп жатканы тууралуу жазылды.

Эске салсак, 21-августта “Ак-Тилек авто жол” өткөрүү жайы алдында жүк ташуучу унаалардын топтолушу катталган.

Ошондой эле 22-августта Чүй облусунда “Ак-Тилек автожол” көзөмөл-өткөрүү жайынын алдында жардам көрсөтүү жай катары чатырлар тигилген.