1-сентябрда Жогорку Кеңештин депутаттары кезектеги сессиянын ачылышына чогулушат

1-сентябрда Жогорку Кеңештин VII чакырылышынын кезектеги сессиясынын ачылышы болот. Бул тууралуу парламенттин басма сөз кызматынан билдирди.

"1-сентябрда саат 10:00дө парламенттин жыйындар залында Жогорку Кеңештин VII чакырылышынын кезектеги сессиясынын ачылышы болот", - деп айтылат билдирүүдө.

Белгилей кетсек, VII чакырылыштагы Жогорку Кеңештин экинчи сессиясы 29-июнда ишин аяктаган.