Акылбек Жапаров Ноокатка барды

Министрлер кабинетинин төрагасы Акылбек Жапаров Ош облусуна болгон иш сапарынын алкагында Ноокат районундагы быйыл жаңы курулуп иштетүүгө берилген бир катар бала бакчалардын ишмердүүлүгү менен таанышты. Бул тууралуу бүгүн, 30-августта өмөттүн басма сөз кызматынан билдирди.

Маалыматка ылайык, Жапаров алгач Зулпиев айыл аймагындагы “Кашкалдак” бала бакчасына барды. Заманбап бардык шарты менен курулган бала бакча 120 балага ылайыкташып, жергиликтүү 27 адам жумуш менен камсыз болгон. Курулуштун жалпы суммасы 43 миллион сомдон ашуун.

Андан соң Кара-Таш айыл аймагындагы “Бүрабия эне” бала бакчасынын ишмердүүлүгү менен таанышты. Заманбап бардык шарттары менен салынган бала бакча 2 кабаттан турат жана ал үчүн 55 миллион сом жумшалган. Мында 3 жаштан 6 жашка чейинки 100 бала кабыл алынат. Бул айыл аймактын калкынын саны 16 миңден ашуун.

"Быйыл жаңыдан курулуп иштетүүгө берилген бала бакчалардын ишмердүүлүгү менен таанышкан өкмөт башчы мамлекет балдарга болгон камкордукту бала бакчалардан баштарын жана мындай заманбап бала бакчаларды куруу иштери республиканын бардык аймактарында жүргүзүлөрүн билдирди", - деп айтылат маалыматта.

Мекеменин маалымат кызматы аталган бала бакчаларга каражат каяктан бөлүнгөнүн ачыктаган эмес.