Кыргыз Республикасынын Эл артисти наамы менен сыйлангандардын тизмеси

Өлкө башчы Садыр Жапаров “Кыргыз Республикасынын мамлекеттик сыйлыктары менен сыйлоо жөнүндө” жарлыкка кол койду. Бул тууралуу бүгүн, 30-августта президенттин басма сөз кызматынан билдирди.

Маалыматка ылайык, анда өлкөнүн социалдык-экономикалык, интеллектуалдык жана маданий потенциалын өнүктүрүүгө кошкон олуттуу салымы, кесиптик ишмердигиндеги зор жетишкендиктери үчүн, ошондой эле Эгемендүүлүк күнүнө байланыштуу бир катар жарандар мамлекеттик сыйлыктар менен сыйланышты.

“Кыргыз Республикасынын Эл артисти” наамы менен сыйлангандар:

Абдыкадырова Гүлжамал – С. Ибраимов атындагы Ош улуттук драма театрынын артисти;

Букалаев Камчыбек Искакович – Т. Сатылганов атындагы № 69 окуу-тарбия комплекс-гимназиясынын хор жана ырдоо ийриминин жетекчиси;

Иманкулов Абдылда Кемелович – куудул, сатирачы;

Исабекова Тамара Сыягуловна – Т. Сатылганов атындагы Кыргыз улуттук филармониясынын солисти;

Кашкарбаева Ырысбубу – Ысык-Көл облусунун Түп райондук маданият үйүнүн ийрим жетекчиси;

Кыдырмаев Шайымбек – Т. Абдумомунов атындагы Кыргыз улуттук академиялык драма театрынын артисти;

Торобеков Абдыманап – Р. Абдыкадыров атындагы Ош облустук филармониясынын этно-фольклордук тобунун артисти;