Баткенде Эгемендүүлүк майрамы чоң салтанат менен белгиленүүдө (сүрөт)

Бүгүн, 31-август Эгемендүүлүк майрамы Баткенде чоң салтанат менен белгиленүүдө. Бул тууралуу Баткен облусунун өкүлчүлүгүнөн билдиришти.

Маалымдалгандай, Баткенде Эгемендүүлүк майрамынын 32 жылдыгына арналган майрамдык салтанат борбордук стадиондогу кол өнөрчүлүк жана тамак-аш көргөзмөсү менен башталды. Анда Министрлер кабинетинин төрагасы Эдил Байсалов, президенттин Баткен облусундагы ыйгарым укуктуу өкүлү Абдикарим Алимбаев катышты.

Ошондой эле майрамдык иш-чарага Өзбекстандын Сох районунан келген коноктор да катышты.

Салтанаттын жүрүшүндө театрлаштырылган оюн-зоок, аскер бөлүктөрү тарабынан даярдалган атайын көрүнүштөр, концерттик программа тартууланды.

Мындан тышкары майрамдын урматына спорттун улуттук кыргыз күрөш, аркан тартыш, кол күрөш, таш көтөрүү, стол үстүндөгү теннис боюнча аялдар жана эркектер арасында мелдештер өтүүдө.