Өлкө боюнча жалпы 43 жаңы мектеп окуучулар үчүн эшигин ачты

Бүгүн, 1-сентябрь күнү 43 мектеп жана 5 спорт зал окуучулар үчүн эшигин ачты. Бул тууралуу Архитектура, курулуш, жана турак жай-коммуналдык чарба мамлекеттик агенттигинин директору Мырзабек Жыпаркулов социалдык баракчасына жазып чыкты.

Анын айтымында, негизинен 36 мектепти жаңы окуу жылына бүтүрүү пландалган, бирок жалпы 43 мектеп бүттү.

"Жаңы окуу жылына карата 36 мектепти бүтүрүүнү пландаганбыз. Кудай жалгап 43 мектепти бүтүрдүк. Курулушчулар башка обьектилерди да убагында бүткөрүү үчүн баардык аракеттерди жумшап жатат, ушул багыт менен кетсек жаңы бүткөн мектептердин саны күн сайын көбөйө берет", - деди Мырзабек Жыпаркулов.

Мындан тышкары өлкө боюнча жалпы 204 мектептин имараты башталып, анын 100 мектеби ушул жылы бүткөрүлөрү айтылды.