Мадумаровдун камалышы: ИИМ расмий билдирүү таратты

Ички иштер министрлиги Жогорку Кеңештин депутаты Адахан Мадумаровго карата козголгон кылмыш иши тууралуу маалымат берди.

Маалымдалгандай, министрликтин Тергөө кызматы тарабынан жогорку кызматтагы адамдардын мамлекетке чыккынчылык кылуу фактысы боюнча кылмыш иши тергелүүдө.

Коопсуздук кеңешинин мурдагы катчысы М.А.К. (ред. Мадумаров Адахан Кимсанбаевич) кылмыш ишинин алкагында кармалган. Ага Кылмыш-жаза кодексинин 323-беренеси (Мамлекеттик чыккынчылык) боюнча айып коюлганы айтылды.

Эскерте кетсек, кечээ, 2-сентябрда эл өкүлү Адахан Мадумаров ИИМдин кызматкерлери тарабынан кармалган. Ушул эле күнү ага карата Бишкектин Биринчи май райондук соту тарабынан 24-октябрга чейин камакка алуу чечими кабыл алынган.

Тергөө иштери улантылууда.