Мэр Эмилбек Абдыкадыров кол алдындагы кызматкерлерди тилдеди (видео)

Бишкек мэриясында мектептерде ата-энелерден акча чогултуу, коррупцияны алдын алуу боюнча жыйын болуп өттү. Бул тууралуу маалыматты бүгүн, 5-сентябрда аталган мекемеден SUPER.KG порталына билдиришти.

Маалым болгондой, Бишкек мэри Эмилбек Абдыкадыровдун төрагалыгы алдында Бишкек шаарындагы жалпы билим берүү уюмдарынын директорлору боюнча жыйын өттү.

Ага ылайык, калаа башчы Бишкектеги мектептердин айрым директорлору мектепти өздөрүнүн үй-бүлөлүк институтуна айландырышканын, алар кеткенден кийин жакындарын таштап кетишкенин белгиледи.

Ошондой эле ал ата-энелер тарабынан мектеп директорлорунун үстүнөн мыйзамсыз акча чогултуулар боюнча көптөгөн арыздар түшүп жатканын айтты.

"Эмилбек Абдыкадыров иштин жүрүшүн көзөмөлгө алып, укук коргоо органдарынан, тактап айтканда УКМКнын шаардык башкармалыктарынан, Ички иштер министрлигинен өз убагында чара көрүү зарылдыгын белгиледи.

Борбор калаанын мэри райондук билим берүү борборлорунун жетекчилерине Бишкек шаарындагы ар бир мектеп директорунун ишин изилдеп, баа берүүнү тапшырды", - деп билдиришти мекемеден.