Тышкы иштер министри Жээнбек Кулубаев АКШнын Кыргызстандагы Элчисин кабыл алды

Бүгүн, 11-сентябрда Тышкы иштер министри Жээнбек Кулубаев АКШнын Кыргызстандагы Элчиси Лесли Вигерини кабыл алды. Бул тууралуу аталган министрликтен билдиришти.

Маалымдалгандай, жолугушуунун жүрүшүндө тараптар кыргыз-америкалык кызматташтыгын өнүктүрүүнүн актуалдуу маселелерин жана келечегин талкуулашты.

Ага ылайык, Нью-Йорк шаарында өтө турган БУУнун Башкы Ассамблеясынын 78-сессиясынын ишине делегациялардын катышуусун даярдоого жана анын алкагында "С5+1" форматында пландаштырылган эң жогорку деңгээлдеги жолугушууларга өзгөчө көңүл бурулду.

Жолугушуунун жыйынтыгында тараптар өз ара кызыкчылык туудурган бардык багыттар боюнча кызматташууну мындан ары да арттырууга даяр экендиктерин билдиришти.