Араванда милиция кызматкери кармалды

Араван райондук ички иштер бөлүмүнүн кызматкери опузалап пара талап кылып, аны алып жаткан жеринен кармалды. Бул тууралуу УКМК кабарлады.

"25-сентябрда 12 миң сом алып жаткан жеринен Араван райондук милициясынын участкалык инспектору, милициянын лейтенанты Ж.у.К. кармалды. Ал Араван районундагы дүкөндөрдүн биринен 26 миң сомдук азык-түлүк уурдалды деген факты менен арыздануучусу жок ишти токтотуу үчүн 31 миң сом талап кылган", - деп билдиришти УКМКдан.

Буга чейин, 21-сентябрда участкалык инспектор Ж.у.К. шектүүнү Д.О. аттуу досу менен бирге кеңсесине чакырып, кылмыш жоопкерчилигине тартам деп коркутуу менен физикалык күч колдонуп, опузалап акча талап кылып, 19 миң сом алганы аныкталды.

Жүргүзүлгөн иликтөө иш-чараларынын натыйжасында милиция кызматкери УКМКнын тергөө абагынын убактылуу кармоочу жайына киргизилди.