“Жылдын супер ыры” деп Гүлжигит Сатыбековдун "Мен сенден кетейинчи" аттуу ыры аталды

Быйыл “Жылдын супер ыры” наамына Гүлжигит Сатыбековдун "Мен сенден кетейинчи" аттуу ыры татыктуу болду. Бул наамды "Заманыбыздын супер тобу" - "Биз" тобунун жетекчиси Бактияр Токторов тапшырды. 

Гүлжигит Сатыбеков “Сыйлык алганыма кубанычтамын. Демек, ыр элге жаккан. Бардык ыр сүйүүчүлөрүнө ыраазымын. "Супер-Инфо” гезитине ийгилик каалайм" деп кубанычы менен тең бөлүштү.

Эске сала кетсек, “Жылдын супер ыры” наамына Гүлжигит Сатыбековдун “Мен сенден кетейинчи”, Нурмат Садыровдун “Мен сүйгөн менен пайда жок”, Нурлан Насиптин “Менин да сүйүүм ушундай” деген аталыштагы чыгармалары ат салышкан болчу.