Эртең Бишкектин айрым аймактарында суу токтотулат

Эртең, 3-октябрда Бишкектин айрым жерлеринде суу өчүрүлөт. Бул тууралуу калаа мэриясынын маалымат кызматынан билдиришти.

Белгиленгендей, "Северный" суу топтомосунда жана шаардык суу түтүк тармактарына оңдоо иштери жүргүзүлөт.

Буга байланыштуу 3-октябрда саат 9:00дөн 21:00гө чейин Күрөңкеев көчөсү, Абдрахманов көчөсү, Элебесов көчөсү, Бельский көчөсү, Ала-Арча суусу, Жибек-Жолу проспектиси, Жаш Гвардия бульвары, ЧЧК, Саадаев көчөсү менен чектешкен аймакта, ошондой эле Красный Строитель, Ак-Тилек, Көлмө, Алтын Бешик, Салам Алик конуштарында ичүүчү суу токтотулат.