Элиза Кененбаева, "Жылдын ТВ персонасы": "Супер-Инфонун" сыйлыгынын сүрү башкача экен"

Бишкекте бүгүн, 14-декабрда Токтогул Сатылганов атындагы Кыргыз улуттук филармониясында "Супер-Инфо" гезитинин жылдын суперлерин аныктаган концертинин 2-күнү өтүүдө. Жылдын мыктыларын аныктаган концертте жеңүүчүлөргө наамдар боюнча сыйлыктар тапшырылууда. "Жылдын ТВ персонасы" наамынын ээси Элиза Кененбаева кубанычы менен бөлүштү. "Добушка коюлганда көпчүлүгү бала алып баруучулар болгондуктан жеңишти күткөн эмесмин. Кийин добуштардан кийин өзүмө ишене баштадым. Бул мени менен иштешкен тартуу тобунун да ийгилиги. Буга чейин сыйлыктарды алып жүргөм, бирок теле алып баруучу катары алган алгачкы сыйлыгым",- деди ал