Москвада Орусиянын жарандыгын алган кыргыз жарандарынын маселеси талкууланат

Эртең 12-декабрда Москва шаарында Жалпы орусиялык кыргыз конгресси өтмөкчү. Иш-чарага катышууга Орусия президенти Владимир Путинге жана КРнын Президенти Алмазбек Атамбаевге чакыруу жөнөтүлдү. Аталган конгресстин уюштуруу комитети билдиргендей, бул иш-чарага орус-кыргыз аткаруу бийлигинин өкүлдөрү, Жогорку Кеңештин жана Орусиянын Мамлекеттик Думасынын депутаттары, коомдук уюмдардын өкүлдөрү катышмакчы. Конгресстин катышуучулары Орусиядагы кыргыз мигранттары, алардын укуктары жана Орусия жарандыгын алышы сыяктуу бир катар олуттуу маселелерди талкуулашат.