Ошто "Өзгөн" базарындагы мыйзамсыз сатылып кеткен жер тилке мамлекетке кайтарылды

Оштун Өзгөн райондук прокуратурасы тарабынан жер мыйзамдарынын аткарылышына карата текшерүү жүргүзүлүп, мыйзамсыз сатылып кеткен жер тилке мамлекетке кайтарылды. Бул тууралуу бүгүн, 19-октябрда Башкы прокуратурадан билдиришти.

Маалыматка ылайык, "Өзгөн" борбордук базарынын аймагындагы аянты 10 882,14 чарчы метрди түзгөн жер тилкеси М.А. аттуу жаранга мыйзамсыз сатылып кеткендиги аныкталган.

Прокуратура тарабынан жогоруда аталган жер тилкесинин сатуу-сатып алуу келишимин жараксыз деп табуу жөнүндө сотко доо арыз келтирилип, толук канааттандырылган.

"Жыйынтыгында, 87 миллион 57 миң сомго бааланган "Өзгөн" борбордук базарынын аймагындагы аянты 10 882,14 чарчы метрди түзгөн жер тилке Өзгөн шаардык мэриясынын балансына алынып, мамлекеттик каттоо органы тарабынан тийиштүү мамлекеттик акты берилди", - деп билдиришти мекемеден.