Бишкектеги №98 мектептин жанында жаңы жол салынды

Бишкектин Алтын-Ордо көчөсү 14 дарегинде жайгашкан №98 орто мектептин жанында жаңы жол салынды. Бул тууралуу Бишкек мэриясы кабарлады.

Учурда топуракты иштетүү, ирригациялык системаны жана жол бордюрларын орнотуу иштери жүрүп жатат. Тактап айтканда, капиталдык оңдоо иштери Алтын-Ордо 9 көчөсүнөн Алтын-ордо 1 көчөсүнө чейин жүргүзүлүп, узундугу 700 погон метрди түзөт.

Белгилей кетсек, "Бишкекасфальтсервис" муниципалдык ишканасынын бригадасы топурак иштетүү иштерин аяктап, учурда бордюрларды орнотуу иштерин баштады.