Бомба тууралуу билдирүү. "Айчүрөк" соода борборундагы жарандар эвакуацияланды

Бүгүн, 25-октябрда саат 19:30 чамасында Бишкек шаардык ички иштер башкы башкармалыгынын “102” кызматына Бишкектеги “Айчүрөк” ЦУМдун аймагына бомба коюлгандыгы тууралуу маалымат келип түшкөн.

Маалымдалгандай, окуя болгон жерге Свердлов РИИБнин жетекчилиги жана ыкчам-тергөө тобу дароо барды. Анда ал аймактык милиция кызматкерлери тарабынан курчоого алынды. Соода борбордогу жарандар жана кызматкерлер эвакуацияланды.

Учурда жеринде ИИМдин БМЖКККнын кинологдору иштеп жатат.

Милиция кошумча маалымат берилерин айтты.