Депутат Нурланбек Азыгалиев эл аралык парламенттик оюндарда алтын медаль утту (фото)

Жогорку Кеңештин төрагасынын орун басары Нурланбек Азыгалиев Москвада өтүп жаткан XI эл аралык парламенттик оюндардын алкагында теннис боюнча алтын медаль тагынды. Бул тууралуу парламенттин маалымат кызматынан билдиришти.

27-29-октябрь күндөрү Москва шаарында XI Эл аралык Парламенттик оюндар өттү.

Мелдешке 12 өлкөдөн депутаттар чакырылып, спорттун жети түрү боюнча күч сынашты.

Жогорку Кеңештин төрагасынын орун басары Нурланбек Азыгалиев теннис боюнча мелдеште 1-орунга ээ болду. Ошондой эле, эл өкүлдөрү бильярд, стол тенниси сыяктуу номинациялар боюнча 3-орунду камсыздашты.