"Эки саатта 27 миң сом айып салынды". Өлкөдө "Кооптуу жүк" аталышындагы рейд өткөрүлүүдө

Өлкөдө "Кооптуу жүк" аталышында рейд өткөрүлүп, эки саатта 27 миң сом айып салынды. Бул тууралуу ЖКККББнын маалымат кызматы билдирди.

Маалыматка ылайык, Кыргызстандагы жалпы пайдалануудагы автомобиль жолдорунда кооптуу жүк ташуучу унаа каражаттарынын катышуусу менен болгон жол-транспорт кырсыктарын алдын алуу максатында ЖКККББ тарабынан 30-октябрдан 2-ноябрга чейин "Кооптуу жүк" аталышындагы профилактикалык иш-чарасы жүргүзүлүүдө.

"Иш-чаранын алкагында Чүй облусунун аймагындагы "Сосновка" стационардык постунда кооптуу жүк ташуучу унаа каражаттарынын техникалык абалы, айдоочу курам менен профилактикалык сүйлөшүүлөр жүргүзүлдү.

Кемчиликтер аныкталган айдоочуларга Укук бузуулар кодексинин талабынын негизинде тиешелүү протоколдор жүргүзүлдү", - деп айтылат маалыматта.